Forum for utvikling og miljø, Natur og ungdom og magasinet Framtida samarbeider om ein skrivekonkurranse for unge.

Svar på éi av dei tre oppgåvene under:

1. Noreg etter olja
   Noreg har tent enorme summar på oljeutvinning som bidreg til klimakrisa, men har etter Parisavtalen forplikta seg til å kutta utsleppa. Skriv eit kåseri der du ser føre deg Noreg etter olja. Bruk humor og skråblikk til å få fram meiningane dine. Korleis ser Noreg ut? Kva jobbar vi med?
2. Korleis kan vi redde klimaet og samtidig ta vare på naturen?
   Klimakrisen og naturkrisen er to av våre største utfordringar. I nokre tilfelle skadar løysingane på den eine utfordringa den andre. Skriv eit innlegg der du tek føre deg ei konkret sak der klima- og naturomsyn står i konflikt, til dømes utbygging av vindkraft eller skogbruk for bioenergi. Korleis kan vi finne balansen mellom å redde klimaet og ta vare på naturen? Kom med eigne forslag til korleis vi kan unngå å forsterke naturkrisa medan vi jobbar for ei grønare framtid.
3. Korleis kan Noreg redda klimaet?
   Skriv eit meiningsinnlegg der du løfter den klimasaka du meiner norske politikarar bør ta tak i først. Kva bør gjerast? Kvifor må det gjerast? Og korleis kan det løysast?

Innleveringsfrist: 1. juni 2025
Aldersgrense: Under 26 år
Målform: Nynorsk
Innsending: skrivekonkurranse@framtida.no eller via Framtida sin debattportal
Premie: Vinnaren får 2000 kroner og publisering i Framtida.no, Putsj og på nettsidene til ForUM. Finalistane som får heidarleg omtale av juryen får premiepakke i posten.

Konkurransereglar: Medlemmar i sentralstyret i Natur og Ungdom, Framtida.no og ForUM sine tilsette, tidlegare tilsette og næraste familie kan ikkje delta i konkurransen.

For meir informasjon, kontakt:

Nina Krizan

Senior kommunikasjonsrådgiver

Kontaktperson for: presse, informasjon, sosiale medier, nettsider

+47 450 11 017